Robin Evans
Heddiw rydym yn anfon ein cydymdeimladau at Heulwen, Llio a Huw a gweddill y teulu, wrth i ni ffarwelio â'r canwr, y cerddor, y bardd a'r cynhyrchydd, Robin Evans. Mae cyfraniad Robin i'n diwylliant wedi bod yn enfawr, nid yn unig gyda Mynediad Am Ddim ond hefyd gyda'r holl gynyrchiadau teledu blaengar y bu'n rhan ohonynt. Mi fydd yn gadael bwlch mawr ar ei ôl ymhob un o'r meysydd y bu'n disgleirio ynddynt - ac mae yna nifer fawr o'r rheini.
Ar ran Bwrdd Eos