Cafodd y cyllid effaith fawr ar fy ngwaith yn ystod y pandemig, sydd wedi parhau hyd heddiw. Mae diwydiant cerddoriaeth Cymru yn ffodus iawn i gael Cronfa Grantiau Eos. Mae'n anodd i gerddorion Cymru gystadlu am gymorth ariannol o gronfeydd y DU gyfan, gan nad yw paneli'n aml yn ymwybodol o'r sîn gerddoriaeth yng Nghymru, a'r sîn iaith Gymraeg yn benodol. Mae'r Gronfa'n hwb mawr i artistiaid Cymru pan fyddant ei hangen, gan eu helpu i wella eu harfer proffesiynol a pharhau i greu.

Ar ddiwedd 2021, ym mis Rhagfyr, fe dreuliais 5 diwrnod yn Stiwdio Owz yn Sir Benfro yn recordio tracs ar gyfer EP newydd sbon o ganeuon gwreiddiol. Yn bersonol, dwi'n gredinol fod grantiau o'r fath yn hynod bwysig ar hyn o bryd i gerddorion yng Nghymru.

Roedd y nawdd yn help enfawr i mi fel artist annibynnol tuag at recordio fy albwm cyntaf. Mae effaith Cronfa Nawdd Eos ar y diwydiant cerddoriaeth Gymraeg yn hynod bwysig ac yn ofandwy o fuddiol er mwyn sicrhau parhad a chymhelliant artistiad ifanc Cymru i greu cerddoriaeth. Mae cael y gronfa yn gostwng ffiniau annheg mae llawer o artistiaid yn wynebu.

Mae Cwmni Theatr Maldwyn yn gwmni amatur sy'n perfformio ym mhrif theatrau Cymru yn achlysurol. Rydym yn dibynnu'n bennaf ar werthiant tocynnau i dalu costau ein cynyrchiadau, ac fe fyddai un methiant yn hynny o beth yn gweld y Cwmni yn dod i ben. Braf felly oedd derbyn nawdd gan Eos tuag at gostau cychwynol y cynhyrchiad Y Mab Darogan. Fel a nodwyd yn y rhaglen, mae nawdd o'r fath yn gymorth mawr i ni fel Cwmni.

Dwi'n meddwl bod y nawdd y mae Eos yn ei gynnig i fandiau a gwyliau cerddorol yn anhepgor o bwysig - yn rhoi sylfaen i unrhyw ddatblygiad.

Heb y Grant gan Eos byddai wedi bod yn anodd iawn parhau â'r ymgyrch cysylltiadau cyhoeddus oedd ei hangen arnom i drefnu taith Calan. Mae'n debyg y byddai Calan wedi gorfod rhoi'r gorau i deithio a perfformio. Mae £500 yn llawer o arian i fand sy'n gweithio ac oherwydd ein bod yn dibynnu ar werthiant tocynnau i gael ein talu mae angen i gymaint o bobl â phosib fynychu ein cyngherddau. Heb yr ymgyrch byddai nifer y cynulleidfaoedd wedi bod yn is a byddai'r band wedi ennill llai. Dydw i ddim yn gor-ddweud pan ddywedaf fod £500 yn hanfodol i ni allu rhoi cyhoeddusrwydd i leoliadau.